Во Клубот на пратениците во Скопје заврши двочасовната средба на лидерите на четирите најголеми партии во Македонија Никола Груевски од ВМРО-ДПМНЕ, Зоран Заев од СДСМ, Али Ахмети од ДУИ и Медуха Тачи, за изнаоѓање решение за излез од политичката криза во земјата.
На денешната средба, на која како набљудувачи присуствуваа амбасадорите на САД и на ЕУ Џес Бејли и Аиво Орав, Груевски и Заев ги информирале Ахмети и Тачи за минатонеделните разговори во Стразбур во кои посредуваа европратениците Иво Вајгл, Едуард Кукан, Ричард Ховит и ервокомесаорт Јоханес Хан.
Рамката на преговори се уште не е дефинирана.
Според првиот опозиционер Заев, тие имале решенија што се брзи и можни но кои не зависат само од опозицијата.
“Овие решенија би можеле да ја олабават ситуацијата во земјава. Оставки ако паднат значително ќе ја олабават ситуацијата” – рече Заев.
Премиерот Груевски не даде изјава, а во името на владејачката партија, Илија Димовски потврди дека разговорите денеска биле во таа насока и за сега не можел да обелодени никакви детали.
И од албанскиот блок партии не сакаа да дадат детали за средбата.
Други детали од денешните разговори не се соопштени. Најавена е нова лидерска средба во почетокот на наредната недела, но не се прецизира точниот термин