Заврши обврската: Повеќе не ви е потребно задолжителното носење на зимска опрема

Денес завршува обврската за задолжително поседување зимска опрема во возилата што е воведена на 15-ти ноември, а завршува на 15-ти март.

Користењето на соодветна зимска опрема во голема мера придонесува за безбедно одвивање на сообраќајот при зимски услови на патиштата.

Од АМСМ информираат и дека сообраќајот на државните патишта се одвива непречено по претежно суви коловози.

Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и за излез од државата.