Кошаркарот на Далас Маверикс, Кајри Ирвинг нема да може да му помогне на тимот во наредниот период откако доживеа кинење на предните вкрстени лигаменти на левото колено, пренесуваат бројни американски медиуми.
Бекот се повреди во текот на првата четвртина од натпреварот помеѓу Мевс и Сакраменто Кингс.
Here is the Kyrie Irving Knee injury video…
I don’t like the way his left knee buckles and hyperextends
-Best case scenario: Hyperextension/bone bruise
-Worst case scenario: ACL tear pic.twitter.com/HHOXo8Pv5e
— Dr. Evan Jeffries, DPT (@GameInjuryDoc) March 4, 2025
Кајри видно чувствуваше големи болки. Тој не можеше сам да оди во соблекувалната, но не сакаше ниту веднаш да се упати таму.
Иако му требаше помош при одење, Ирвинг изведе две слободни фрлања за кои се избори со изнудување фаул – и погоди двата пати.
A moment of pure determination for Kyrie Irving.
After suffering an injury, Kyrie was helped to the line to take his free throws before exiting the game.
He made both. 👏👏 pic.twitter.com/hJDDRTDLg7
— NBA (@NBA) March 4, 2025
Последователното снимање со магнетна резонанца утврди дека 32-годишниот играч се здобил со кинење на лигаментите и дека ќе биде надвор од теренот до крајот на сезоната.
Ирвинг е предводник на Далас оваа сезона, кој му даде дополнителни обврски во креирањето на играта кога го испратија Лука Дончиќ во Лос Анџелес Лејкерс.
Кајри оваа сезона одигра 50 натпревари, а досега пропушти 12 од нив. Тој беше избран да учествува на Ол-стар натпреварот по деветти пат во својата кариера и е единствениот кошаркар кој постигнувал најмалку 20 поени по натпревар, со 40% или повеќе процент на успешност од опсегот на три поени и 90+ проценти слободни фрлања.
Ирвинг оваа сезона има просек од 24,7 поени, 4,8 скока и 4,6 асистенции по натпревар. Поранешната ѕвезда на Дјук има можност да ја активира клаузулата и да го продолжи договорот за следната сезона, што секако ќе го направи – во тој случај ќе заработи 43 милиони долари.
Далас е веќе ослабен со отсуството на повредениот Ентони Дејвис – центар кој пристигна од Лејкерси во голема трејд, но се повреди во дебито за Мавс.
Дејвис ги повреди препоните, а Дерек Лајвли, Даниел Гафорд и Кејлеб Мартин – кој беше испратен во развојната лига за да се врати во натпреварувачки ритам – исто така не се подготвени.
Маверикс беа и без бекот Џејлен Харди во вториот дел од мечот против Кингс, кој го повреди десниот зглоб.
Далас е на 10. место на Западот со скор 32-30.