Здравјето на бубрезите често е загрозено не само од брзата храна, туку и од секојдневните пијалоци што делуваат безопасно. Со текот на времето, некои од нив можат сериозно да ја нарушат функцијата на бубрезите поради високата содржина на шеќер, натриум и кофеин, пренесува Times of India. Еве кои пијалоци треба да се избегнуваат и кои се поздравите алтернативи.
1. Темни газирани сокови
Содржат фосфорна киселина која го зголемува ризикот од оштетување на бубрезите и создавање камења. Дополнително, шеќерот и вештачките засладувачи ја нарушуваат функцијата на бубрезите.
Поздрава опција: Вода со лимон, нане или краставица, како и повремена кокосова вода.
2. Купени овошни пијалоци
Многу купечки сокови имаат минимално овошје и се преполни со шеќери и адитиви. Честата консумација може да доведе до висок крвен притисок и хронични оштетувања на бубрезите.
Поздрава опција: Домашно цеден сок без шеќер или, уште подобро – цело овошје.
3. Алкохол
Редовното пиење алкохол ги дехидрира бубрезите, го зголемува крвниот притисок и го нарушува нивното нормално функционирање.
Поздрава опција: Билни чаеви од глуварче, коприва или коријандерова вода, особено наутро на празен стомак.
4. Енергетски пијалоци
Високи дози на кофеин, шеќери и вештачки додатоци доведуваат до дехидрација и намален проток на крв низ бубрезите.
Поздрава опција: Зелен чај или вода со хималајска сол за природен енергетски поттик.
5. Спортски пијалоци
Корисни се само по интензивно вежбање. Во спротивно, нивната содржина на шеќер, натриум и бои е штетна за бубрезите.
Поздрава опција: Вода со лимон и прстофат сол како домашен електролитен пијалок.
Препознајте ги симптомите на оштетени бубрези
Некои предупредувачки знаци вклучуваат: постојан замор, отоци (особено околу очите и нозете), пена или промена на бојата на урината, проблеми со концентрација, чешање на кожата и лош здив. Високиот крвен притисок и губење на апетит исто така можат да укажуваат на проблем.
Како да ги заштитите бубрезите:
-
Пијте доволно вода во текот на денот.
-
Јадете разновидна и природна храна, со ограничен внес на сол и шеќер.
-
Вежбајте редовно.
-
Избегнувајте алкохол, пушење и прекумерна употреба на лекови против болка.
-
Редовно правете здравствени прегледи.
Бубрезите се „тивки работници“ во телото, затоа дајте им го вниманието што го заслужуваат, пред да се јави проблемот.