Украинскиот претседател Владимир Зеленски изјави дека доколку Бахмут падне, ќе биде принуден да направи компромис со Путин.
Бахмут е во центарот на повеќемесечните борби во источна Украина, а и Русија и Украина тврдат дека ѝ нанеле огромни загуби на другата страна. И покрај тоа што некои воени аналитичари сугерираат дека градот е стратешки незначаен, украинскиот претседател Владимир Зеленски призна дека поразот во градот може да го принуди на компромис со Владимир Путин.
Тој рече дека загубата на Бахмут ќе направи „нашето општество да се чувствува уморно“ и ќе ѝ дозволи на Русија „да ја продаде оваа победа на Западот, на своето општество, на Кина и на Иран“.
„Ако почувствува малку крв – почувствува дека сме слаби – Путин ќе притиска, ќе притиска и притиска“, рече Зеленски.
„Нашето општество ќе се чувствува уморно. Нашето општество ќе ме принуди да направам компромис со него“, рече Зеленски.