136
Пред една година на денешен ден сите се молевме Украина да издржи. Денеска – Украина да победи, порача украинскиот претседател Володимир Зеленски во својата велигденска честитка.
Зеленски изјавил дека Украинците го дочекуваат Велигден со непоколеблива вера во неповратноста на победата на добрината, вистината и животот, пренесe Интерфакс Украина.
Според Зеленски, Украина „веќе измина долг пат до победата“.
„Можеби најтешкиот врв е пред нас. Ќе го надминеме“, рече украинскиот претседател.
Според Зеленски, „сино-жолтото национално знаме ќе биде подигнато на сите територии кои се привремено окупирани од руските сили“.