Зеленски: Невозможно е Трамп да не видел кој е Путин

Украинскиот претседател, Владимир Зеленски, изјави дека е изненаден од тоа колку поранешниот американски претседател, Доналд Трамп, продолжил да го фали својот руски колега, Владимир Путин, дури и откако Москва ја нападна Украина.

„Верувам дека тој имаше доволно време, и повеќе, да сфати кој е Путин“, изјави Зеленски за Си-Ен-Ен во интервју емитувано во неделата.

Украинскиот претседател истакнува дека е невозможно поранешниот американски претседател Доналд Трамп да не знаел колку Владимир Путин е против вредностите на американскиот народ.