Украинскиот претседател Владимир Зеленски на социјалните мрежи објави информација дека Парламентарното собрание на Советот на Европа (ПССЕ) денеска усвоило резолуција со која режимот во Русија е означен како „терористички“.
„Го поздравувам денешното усвојување на резолуцијата на ПССЕ, во која сегашниот режим на Руската Федерација се нарекува терористички. Ова е силен сигнал до светската заедница и Русија дека казнувањето за злосторства е неизбежно!“, објави Зеленски на Твитер.
Grateful for the opportunity to address PACE today. For attention to 🇺🇦. Commend today’s adoption of the PACE resolution designating the current regime of the RF as terrorist. This is a powerful signal to the world community and Russia that punishment for crimes is inevitable!
— Володимир Зеленський (@ZelenskyyUa) October 13, 2022
Украинскиот претседател денеска се обрати пред Парламентарното собрание на Советот на Европа (ПССЕ), и изјави дека дијалогот меѓу Европејците има историски важни резултати.
„Гледаме акции кои ја направија Европа посилна од кога било досега. Никогаш во историјата обединета Европа не била толку силна како што е денес. Значи, фокусирајте се на се што е потребно за да ги спречите руските терористи да ни ги уништат животите“, рече украинскиот претседател.