Зеленски: Руски дронови гаѓаа нуклеарна централа

Украинскиот претседател Володимир Зеленски изјави дека во нападот на руски беспилотни летала денеска во областа Хмељницки, најверојатно цел била областа на истоимената нуклеарна централа.

„Најверојатно цел на овие напади е нуклеарната централа Хмељницки. Ударниот бран од експлозијата ги потресе прозорците, вклучително и просториите на нуклеарната централа“, наведува Зеленски, пренесе „Ројтерс“.

Според него, секој руски напад, особено оној кој се осмелува да ги таргетира нуклеарна централа и други клучни објекти, е доказ дека притисокот врз Русија е недоволен.