8
Украинскиот претседател Володимир Зеленски денес изјави дека до крајот на оваа година се подготвуваат уште неколку одлуки за санкции против руски субјекти и оние кои ја поддржуваат руската „агресија“.
„Ќе има барем еден пакет санкции насочени кон оние кои соработуваат со рускиот воено-индустриски комплекс, кој вклучува не само поединци од Русија, туку и, конкретно, од Кина“, напиша Зеленски на платформата X.
Тој, исто така, изјави дека се подготвуваат санкции против оние кои ја оправдуваат руската „агресија“ и го промовираат руското влијание преку масовната култура, како и против спортистите кои ги користат своите спортски кариери и вниманието на јавноста за да ја слават руската агресија.