Зеленски: Ситуацијата на фронтот е тешка, Русите се обидуваат да напредуваат

Украинскиот претседател Владимир Зеленски изјави дека руските сили се обидуваат да напредуваат во регионите Донбас и Харков и оцени дека ситуацијата на линијата на фронтот се уште е тешка.

„Ситуацијата на фронтот е тешка“, рече Зеленски во ноќното видео обраќање.

Украинскиот претседател тврди дека руските сили „и покрај големите загуби“ се уште се обидуваат да напредуваат кон регионот на Доњецк и да се зацврстат во регионот Луганск, како и дека се обидуваат да влезат во регионот Харков, а „исто така планираат нешто и на југот“, пренесува „Ројтерс“.