Зеленски во Париз, Макрон му вети дека ќе му помогне во разговорите со Русија

Францускиот претседател Емануел Макрон вети дека ќе му помогне на новиот претседател на Украина Володимир Зеленски во неговите напори да воспостави мир на истокот на земјата и во разговорите со Русија.

Украинскиот претседател Зеленски за време на посетата на Париз вчера рече дека дипломатскиот пат е единствениот начин за решавање на конфликтот, со одржува санкциите против Русија.

Макрон истакна дека ќе работи на заживување на преговорите за Украина во „нормандиски формат“, кој ги вклучува Русија, Украина, Франција и Германија.

Францускиот претседател призна дека во последниве неколку месеци има мал напредок во врска со ова прашање.