Земјотрес со јачина од 4,7 степени ја потресе Албанија

Земјотрес со јачина од 4,7 степени според Рихтеровата скала синоќа ја потресе Албанија, по што следеа три послаби земјотреси, соопшти Европскиот медитерански сеизмолошки центар (EMSC).

Земјотресот се случил во 02:43 часот на длабочина од пет километри, а епицентарот бил на 95 километри од градот Елбасан.

Последователно, во текот на ноќта имало уште три земјотреси со јачина од 3,7, потоа 3,4 и на крајот од 3,6 степени според Рихтеровата скала, соопшти EMSC.

Нема информации за евентуални жртви или материјална штета.