Исланд може да се пофали дека ги има најмладите милијардери во Европа со просечна возраст на луѓето со состојба од 7 цифри од 48,5 години, според студијата на GetCash.com, врз основа на податоците на Forbes.
Најмладиот милијардер во Исланд е Дејвид Хелгасон (44), ко-основач на компанијата за развој на игри Unity Software.
Компанијата излезе на берза во Њујорк во 2020 година, а Хелгасон има удел од 4 отсто во неа.
Другиот исландски милијардер е инвеститорот Тор Бјорголфсон (59)
Данска е на второто место, а просечната возраст на милијардерите во земјата е 49,4 години. Најмладиот милијардер во Данска е наследничката на компанијата за чевли Ecco Ана Каспзак (32), додека еден од основачите на Lego – Kелд Килд Кирк Кристијансен (74) и најголемиот акционер во компанијата за медицински помагала Coloplast – Нилс Петер Луис -Хансен (74) се најстари.
Првата тројка ја формира Норвешка, каде просечната возраст на милијардерите е 52,3 години. Наследничките на холдинг компанијата Ferd AS – сестрите Александра (25 години) и Катарина Андресен (27 години), се најмладите милијардери во земјата.
На спротивниот пол е Монако кој се наоѓа на 28. место на рангирањето. Во кнежевството, кое е познато по концентрацијата на богатите, просечната возраст на милијардерите е 79,6 години. Познатите браќа на трговци со модерна уметност Дејвид (73) и Езра (75) Нахмад се најстарите милијардери во земјата.
Најмладиот милијардер во Европа е Германецот Кевин Дејвид Леман, кој има само 19 години, поседува 50% од синџирот dm.
Второто и третото место се за Александра (25 години) и Катерина Андресен (35 години), додека на четвртото место е Густав Магнар Витзоу. Тој е исто така Норвежанец и поседува половина од компанијата за лосос на неговиот татко SalMar ASA.
Првата петорка на најмладите милијардери во Европа ја надополнува Лиза Дрекселмаер, акционер во компанијата која е сопственик на германскиот производител на автоделови Fritz Draexlmaier Co & KG.
Најстариот милијардер во Европа е 95-годишниот Швајцарец Серџо Мантегаца, претседател и сопственик на мултинационалната туристичка компанија Globus.
По него следуваат Германецот Траудл Енгелхорн (94), Ирецот Палоњи Мистри (93 години), Австриецот Гастон Глок (92 години) и Англичанецот Берни Еклстоун (91 година).
Користејќи ги податоците од Forbes, GetCash.com ги идентификуваше имињата и возраста на 619 милијардери од 29 земји во Европа. Тие не ги вклучуваат Албанија, Андора, Ерменија, Азербејџан, Белорусија, Босна и Херцеговина, Бугарија, Хрватска, Естонија, Казахстан, Северна Македонија, Сан Марино и Словенија поради недостаток на информации за нив во Forbes.
Податоците се актуелни заклучно со 4 февруари 2022 година.