Земјотрес со јачина од 4,3 степени го погоди Дубровник

Синоќа околу 23 часот повторно се тресело тлото во Хрватска, овој пат во областа околу Дубровник, каде бил регистриран земјотрес со јачина од 4,3 степени според Рихтеровата скала.

Епицентарот на земјотресот бил на 68 километри југоисточно од Мостар и 14 километри југозападно од Дубровник, на границата меѓу Хрватска и Босна и Херцеговина.

Овој земјотрес можел да се почувствува во областа на јужна Далмација, како и во Босна и Херцеговина.

„Бевме разбудени од земјотресот, многу се вознемиривме“, се дел од коментарите на читателите на „Далмација Данас“, а слични коментари биле објавени на веб-страницата на ЕМСЦ.