Земјотрес во Албанија: Паника во Тирана (видео)

Земјотрес со јачина од 4,2 степени денес ја погоди западна Албанија, предизвикувајќи паника кај населението.

Засега нема извештаи за повредени или материјална штета.

Албанската сеизмолошка агенција соопштила дека земјотресот го погодил селото Куратен, на 34 километри западно од Тирана, во 17:21 часот.

Албанското Министерство за одбрана соопштило дека според првичните информации нема материјална штета.

Многу граѓани на Тирана излегле на улиците, плашејќи се од повторување на земјотресот во ноември минатата година, со јачина од 6,4 степени, во кој загинаа 51 лице и остави околу 17.000 луѓе без домови.