Земјотрес во Егејското Море

Земјотрес со јачина од 5,5 степени според Рихтеровата скала денеска го погоди Егејското Море, а беше почувствуван во Грција и Турција.

Епицентарот на земјотресот бил на 23 километри југозападно од грчкиот остров Нисирос, каде што живеат околу 1.000 луѓе, пренесува Катимерини, односно како што објавија турските медиуми, 40 километри од брегот на турскиот град Датца, во југозападна Турција.

Земјотресот е регистриран утрово во 07:31 часот по локално време.

Турската агенција за вонредни ситуации наведува дека тоа се случило на длабочина од 14,85 километри, а грчкиот институт за геодинамика објави дека неговиот епицентар бил на длабочина од 15,6 километри, објави Танјуг.