Рано утрово земјотреси ги разбудиле жителите на источна Македонија, пред се во околината на Струмица и Штип.
Регистрирани се два земјотреси од кои првиот 120 километри југоисточно од Скопје, кој потекнува од епицентралното подрачје Струмица, а вториот на 70 километри југоисточно од Скопје и потекнува од епицентралното подрачје Св. Николе – Штип, информираат од Сеизмолошката опсерваторија Скопје.
#Earthquake (#земјотрес) possibly felt 32 sec ago in #NorthMacedonia. Felt it? Tell us via:
📱https://t.co/LBaVNedgF9
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/Vp4A4ZAmWt— EMSC (@LastQuake) April 26, 2023
Првиот земјотрес се случил во 4 часот и 55 минути со Рихтерова локална магнитуда ML2.2 и интензитет од III степени според Европската макросеизмичка скала и бил почувствуван од населението во Струмица и околината, а вториот се случил во 6 часот и 32 минути со Рихтерова локална магнитуда ML2.0 и интензитет од III степени според Европската макросеизмичка скала и бил почувствуван од населението во Штип и околината.
Нема информации за предизвикана материјална штета.
Пред две недели исто така два земјотреси беа регистрирани во овој дел од државата, со магнитуди од 3 и 2,1 степен.