Македонскиот сервис на Радио Слободна Европа денеска престанува со работа. Заедно со македонскиот сервис, се затвора и сервисот на Радио Слободна Европа на паштунски јазик, кој емитува програма за Авганистан и Пакистан.
Радио Слободна Европа ги затвора бројните подружници низ светот откако администрацијата на американскиот претседател Доналд Трамп го укина финансирањето на медиумските проекти надвор од САД.
Претседателот и извршен директор на Радио “Слободна Европа“, Стивен Капус изјави дека затворањето на македонскиот сервис е загуба за публиката што ја опслужува.
„Но, сегашната буџетска состојба на Радио „Слободна Европа“ нè принудува повторно да ги приоритизираме начините на кои ги распределуваме нашите ресурси. Оваа одлука е донесена со длабока благодарност за работата што ја имаат направено овие тимови и за стандардот на извонредност што го одржувале“, порача Капус пред една недела.
Радио Слободна Европа на македонски јазик работи од 2001 година.
Претходно, беше донесена одлука за затворање и на сервисите во Бугарија, Романија. И тие прекинуваат со емитување на 31 март. Во декември минатата година беше затворен и унагрскиот сервис на Радио Слободна Европа, како и бирото во Црна Гора.