Во пресрет на верскиот празник Успение на Пресвета Богородица (Голема Богородица) и очекуван зголемен интерес за манастирот „Успение на Пресвета Богородица“ во Матка, во недела (27.08.2023 год) на линијата 60 (Транспортен центар – Матка) во период од 17.30 до 23.30 часот ќе сообраќаат дополнителен број автобуси, соопштија од ЈСП Скопје.
Зголемен број автобуси на линија 60 ќе има и во понеделник (28.08.2023 година) од 7 до 18 часот.
Во понеделник (28.08.2023 год) јавниот превоз ќе сообраќа по неделен возен ред, а исклучок ќе бидат линиите 11, 11А, 18А, 32, 47А, 51, 55, 56, 56А, 70, 74, 81, 118, 160, 164 и 180 кои ќе сообраќаат по саботен возен ред.
Билетарниците и центрите за персонализација во понеделник (28.08.2023 год) нема да работат.
Жичарницата во понеделник (28.08.2023 год) ќе функционира вообичаено, ќе работи од 10 до 20 часот; од 19-19.30 часот е последно возење од долу кон врвот; во 19.45 часот е последно возење од врвот надолу, додаваат од јавното претпријатие.