Во европската куќа на фудбалот во Нион се одржа ждрепката за групната фаза од Лигата на шампионите.
Најсилна група, барем според имињата на ривалите, е онаа со Баерн Минхен, Барселона и Интер, а апсолутен аутсајдер е чешкиот Пилсен.
Многу интересно ќе биде и во групата Е во која ќе биде Динамо Загреб. „Сините“ ќе ги одмерат силите против Милан, Челси и Салцбург.
Европскиот првак Реал Мадрид добро помина, ќе биде во групата со Лајпциг, Шахтјор и Селтик.
Јувентус е во група со моќните ПСЖ, Бенфика и израелскиот Макаби Хаифа.
Првото коло од групната фаза во Лигата на шампионите ќе се игра на 6 и 7 септември, а последното, шестото, на 1 и 2 ноември.
Нокаут фазата ќе започне со осминафиналните натпревари во кои ќе се пласираат двете најдобри селекции од секоја група, на 14 и 21 февруари следната година.
Финалето во Лигата на шампионите ќе се одигра на 10 јуни на стадионот „Ататурк“ во Истанбул.
Групи во Лигата на шампионите 2022/23:
Група А: Ајакс (Холандија), Ливерпул (Англија), Наполи (Италија), Ренџерс (Шкотска).
Група Б: Порто (Португалија), Атлетико (Шпанија), Леверкузен (Германија), Бриж (Белгија).
Група Ц: Баерн Минхен (Германија), Барселона (Шпанија), Интер (Италија), Плзен (Чешка).
Група Д: Ајнтрахт (Германија), Тотенхем (Англија), Спортинг (Португалија), Марсеј (Франција).
Група Е: Милан (Италија), Челси (Англија), Салцбург (Австрија), Динамо Загреб (Хрватска).
Група Ф: Реал Мадрид (Шпанија), Лајпциг (Германија), Шахтјор (Украина), Селтик (Шкотска).
Група Г: Манчестер Сити (Англија), Севиља (Шпанија), Дортмунд (Германија), Копенхаген (Данска).
Група Х: ПСЖ (Франција), Јувентус (Италија), Бенфика (Португалија), Макаби Хаифа.