Бугарија верува дека Република Македонија ќе биде полноправна членка на Европската Унија врз основа на сопствен придонес. Сметаме дека ќе ги исполнат условите за членство и не треба да губат време, бидејќи најлошо е да губат време кое ќе се претвори во скептицизам. Потребни им се брзи одлучувачки акти и дефинитивни одлуки без да ја бараат причината надвор од себе. Многу е важно причините, намерите и успесите да бидат нивни, изјавил претседателот на бугарското Народно собрание, Росен Желјазков по завршувањето на посетата на Ватикан и Италија, каде ја предводеше бугарската делегација по повод чествувањето на Денот на Светите браќа Кирил и Методиј.
Во исто време во Рим престојуваше и делегација на македонското Собрание предводена од претседателот Талат Џафери. Двете делегации заеднички положија венци цвеќе пред бугарската и македонската плоча во базиликата „Санта Марија Маџоре“.
Бугарскиот спикер во разговорите со претставниците во Ватикан и Рим се осврнал на темата за бугарските односи со Република Македонија и за политичките процеси во Западен Балкан.
„Западен Балкан е исклучително важен за Италија и за Светата столица, бидејќи ова е област што дава можности за историски конфликти“, нагласил Желјазков.
Тој посочил дека решавањето на тензиите кои постојат со Македонија е тема која „поминува и наоѓа свое решение само и само преку целосна интеграција на земјите од Балканскиот Полуостров“.
Бугарскиот став за РСМ, наведува тој е особен интерес за Ватикан и Италија, особено за темите што неодамна беа покренати на Самитот на Советот на Европа во Рејкјавик.
„Изјавивме дека нашиот став останува непроменет. РСМ треба што поскоро да го започне и заврши преговарачкиот процес и да стане полноправна членка врз основа на т.н. сопствен придонес. т.е. одлуката треба да биде во насока на исполнување на критериумите за членство и успешно завршување на преговарачкиот процес, а не заради политичката одлука сама по себе“, категоричен е Желјазков во изјава за БГНЕС.
Тој истакнл дека за Бугарија е важен условот што го постави Европската комисија за уставната промена, во која се вклучени Бугарите како државотворен народ во рамките на РСМ.
„Ова е апсолутен предуслов за почеток на преговорите. Ова не е наше билатерално прашање, тоа е услов кој е поставен и евидентиран во условите за почеток на преговорите и го следи ЕК“, додал претседавачот на Народното собрание.
Жељазков изјавил дека ставот на Бугарија не е поврзан со поставување услови или попречување на самиот процес.
„Условите ги постави ЕК и за нас е важно тие да бидат исполнети бидејќи се поврзани со правата на Бугарите во РСМ“, додал бугарскиот претседател на тамошното Собрание.