Жештината и сувиот терен му се виновни на Лаутаро за поразот од Колумбија

Аргентинскиот напаѓач Лаутаро Мартинез најде оправдување во „жештината и сувиот терен“ во Баранкиља за поразот од Колумбија со 2-1 во квалификациите за Светското првенство во 2026 година.

„Тоа беше тежок натпревар. Жештината и сувиот терен не ни дозволија да го играме нашиот фудбал. Знаеме дека квалификациите се тешки. Мора да го прифатиме поразот и да продолжиме понатаму. Стојам зад позитивните работи што ги направивме, но има и простор за подобрување. Не се справивме со играта како што сакавме и по голот на Колумбија се смиривме“, изјави Мартинез на новинарите по натпреварот.

Колумбија има 16 бодови и се искачи на 2. место во поредокот за зоната Јужна Америка, каде Аргентина продолжува да води со 18 бодови.