Жител на Табановце нападнал вработен во кумановското „пасошко“

Жител на Табановце физички нападнал вработен во одделението за пасоши при СВР Куманово, соопшти полицијата.

-Вчера во 10:25 часот, полициски службеници од СВР Куманово го уапсиле Н.П.(42) од село Табановце, Кумановско затоа што во просториите на отсекот за управни работи Куманово физички нападнал еден вработен, кој извршувал службени дејствија, велат од МВР.

Н.П. бил приведен во полициска станица и по целосно документирање на случајот против него ќе следува соодветна пријава.