Жителка на Македонска Каменица подигнала 52.000 денари од туѓа картичка

СВР Штип поднесе кривична пријава против Г.Т.(41) од Македонска Каменица. Таа се сомничи за сторено продолжено кривично дело „оштетување и неовластено навлегување во компјутерски систем“.

Во периодот од 09.06.2025 до 30.06.2025, пријавената во шест наврати неовластено навлегла во електронски систем на банка и со картичка на лице од село во општина Зрновци, од банкомат во истото село подигнала вкупно 52.000 денари, кои противправно ги присвоила.

Случајот е целосно документиран, а надлежното обвинителство е информирано и ќе ги преземе следните чекори во согласност со Законот.