Жозе Мурињо изјави дека неговиот тим допуштил многу грешки, но природно беше исклучително среќен по пресвртот синоќа против Кристал Палас.
Манчестер Јунајтед губеше со 0:2 на почетокот на второто полувреме, но успеа да одговори со 3 гола и да победи, откако Немања Матиќ беше херој, носејќи успех во дополнителното време со фантастичен удар.
„Тоа беше фантастичен натпревар за гледачите. За мене сепак беше многу тежок, бидејќи дозволивме многу грешки. Сепак сум среќен. Во второто полувреме покажавме неверојатно однос и одличен квалитет на игра. Како тим, сепак, направивме премногу грешки, што не беше добро“, изјави Португалецот.
„Не ми се допаѓа кога тимовите ми дозволуваат пропусти во организацијата, но пресвртот беше навистина фантастичен. Победата е од големо значење, бидејќи разликата до 5-тиот е 9 поени, што е прилично добро“, додаде тој.
„Дозволивме детски гол за 2:0, но потоа момците покажаа одличен карактер. Против Челзи исто направивме пресврт, но сега заостанувавме повеќе, а и игравме против противник кој има потреба од поени. Чувството е навистина прекрасно. Честитки за Рој и Палас кои играа одлично, но за нивна жал овој пат се покажаа на губитничката страна“, рече Мурињо.