Пари Сен Жермен има силен тим и при отсуство на Нејмар, изјави тренерот на европскиот клупски шампион, Зинедин Зидан.
„Жалиме за Нејмар, но ПСЖ е силен тим. Фудбалерот кој ќе го замени, ќе биде добар. Не знам дали ќе ни биде многу полесно без Нејмар. Во никој случај не е олеснување за нас дека тој нема да игра против нас во вторник“, рече Зидан на прес-конференција.
Бразилецот ќе претрпи операција поради кршење на коска на десната нога и може да отсуствува од терените околу три месеци. Реал Мадрид води со 3:1 против Пари Сен Жермен по првата средба меѓу двата тима одиграна во шпанската престолнина пред речиси три недели. Во саботата, „белите“ имаат натпревар во шпанскиот шампионат против Гетафе.
„Сега не интересира дуелот утре. Треба да играме на начинот на кој се претставивме во првото полувреме против Еспањол. Имаме обврска да играме силно во сите 90 минути“, рече уште Зинедин Зидан.
Во вторник ноќта, Реал Мадрид загуби 0: 1 како гостин против Еспањол во дуел од Примера дивизијата.