Во своето гостување во „Само вистина“, новинарот, Љупчо Зиков посочи дека дека причините се видливи и не треба да има сомнение околу приведувањето на Камчев, но исто така се осврна и на двојните аршини во медиумите, кои бараат едно за еден човек, додека друго за друг човек.
„Нема причина да не веруваме во она што е кажано, врзано за тоа дали се подготвувало или не бегство на Орце Камчев. Мојот впечаток е дека до крај не се знае за што е определен притворот. Но, можеби свесно не се кажува до крај. Во јавноста, се гледаат два аршина, односно оние кои го креираат јавното мислење. До пред две-три недели јавноста се крена на нозе за тоа каде е Мијалков, додека сега се прашува зошто е приведен Камчев. Ние го зборуваме ова во време кога судовите судат за прислушување кое масовно се случувало во сите години наназад. Но, можеби јавноста не знае и не смее да знае дека бил прислушуван, па можеби рекол дека планира бегство, но тоа се претпоставки. Адвокатот на Камчев имаше повеќе политичка изјава вчера, отколку правна изјава“, истакна Зиков.