Откако Карло Анчелоти го напушти Евертон, започна голема сага околу неговиот наследник. Како наследник на Италијанците се споменуваше Нуно Еспирито Санто, а откако тој отпадна, Рафаел Бенитез се појави како главен кандидат.
Сè ќе беше во ред доколку славниот шпански тренер не минеше шест години (2004-2010) на клупата на градскиот ривал, па навивачите на „карамелите“ протестираат против неговото доаѓање. Тие веќе се заканија дека ќе престанат да купуваат сезонски билети, но и производи во фан шоповите, а сега отидоа чекор подалеку и испратија заканувачки пораки до шпанскиот тренер.
Пред неговата куќа во Ливерпул, го пречека транспарент со порака: „Знаеме каде живееш, не потпишувај!“
Another banner protesting against the appointment of Rafa Benitez. This banner is outside his family home where his wife and kids live. You may all have your opinions on his soon to be appointment but this is over the line and went too far pic.twitter.com/PkuXkCrYaW
— The Toffee Blues (@EvertonNewsFeed) June 28, 2021
Сопственикот на Евертон, Фарад Мошири, смета дека Бенитез е вистинскиот човек за клубот и дека „карамелите“ би се вратиле во европските натпреварувања со него. Тој е убеден дека спротивставувањето на навивачите не е пречка Шпанецот да дојде во клубот.
Во случај Бенитез да дојде на „Гудисон Парк“, шпанскиот тренер би влегол во историјата како само втор тренер кој ги водел и Ливерпул и Евертон. Првиот беше Вилијам Едвард Баркли, кој го напушти Гудисон во 1892 година и замина во новоформираниот клуб во градот – Ливерпул.