Има поголем број на луѓе кои остануваат во врска со луѓе кои едноставно не им одговараат.
Овие знаци покажуваат дали сте во врска со вистинската личност:
Отвореност
Отвореноста кон нови работи е исклучително важна за врската и за личниот раст на партнерот. Луѓето кои се подготвени да научат знаат дека секоја ситуација, било да е тешка или убава, е можност за ширење на знаење. Конфликтите, како составен дел од секоја врска, од овој агол не се работи на кои треба да гледаме негативно, туку ситуации од кои можеме да научиме многу за нас самите и за личноста со која сме решиле да го поминуваме животот. Затоа, ако ве интересира дали вашиот партнер е личност за вас, запрашајте се дали сте обајцата подготвени да учите, да се развивате и да станете подобри партнери.
Привлечност
Експертите нагласуваат дека ако не чувствувате физичка и сексуална привлечност кон вашиот партнер во првите 6 месеци од врската, мора да знаете дека не сте со вистинската личност и дека нешто не е во ред во таа врска. Привлечноста е чудна и магична работа што е тешко да се објасни со зборови. Но, ако ја нема на почетокот, ретко се раѓа подоцна.
Еднакви вредности
Личноста со која планирате да го поминете животот треба да биде личност со која ги делите истите животни вредности. Ако вашиот партнер верува во сосема различни работи и сака поинаков живот од оној што вие го сакате, тоа е знак дека едноставно не сте едни за други.
Независност
Кога станува збор за компатибилноста, многу луѓе прво ќе го постават прашањето за заеднички интереси. Заедничките интереси се добра работа, но тие не се најважни за одржување на здрава врска. Она што е многу поважно е независноста. Да се биде независен од партнерот, да имате свои занимања и желба да растат од врската, значи да бидете стабилни. Луѓето кои се задоволни со себе и кои првенствено имаат изграден свој свет се добри партнери. Затоа, пред да прашате за вообичаени хоби, интереси и вкусови, поставете прашање за независност.