Витаминот Д го произведуваат клетките на кожата кога се изложени на светлина, што го прави уникатен меѓу другите витамини кои обично треба да се внесат во организмот. Иако сонцето е обично најдобриот извор на витамин Д, не е секогаш лесно да се биде на сонце поради изложеност на УВ зрачење и, исто така, поради ограничена дневна светлина во одредени делови на светот.
Способноста на организмот да произведува и апсорбира витамин Д е значително намалена кај постарите луѓе во споредба со помладите. Особено за постарите луѓе со ограничена подвижност или здравствени услови кои бараат од нив да останат внатре, скоро е невозможно да се добие доволно витамин Д од сонцето.
Недостатокот на витамин Д најсигурно се одредува со тест на крвта, но треба да знаете дека можат да се јават и овие симптоми:
Болки во коските
Кога има недостаток на витамин Д, може да имате проблеми со целокупното здравје на коските што е резултат на болките во коските или дури и во зглобовите.
Слабост во мускулите
Истражување во списанието Western Journal of Medicine покажува дека мускулната слабост е секако знак дека некој не внесува доволно витамин Д
Замор и летаргија
Чувство на замор, па дури и летаргија може да биде знак за недостаток на витамин Д.
Студија објавена во Северноамериканскиот журнал на медицински науки подетално го испита ова тврдење и откри дека 77,2% од пациентите со недостаток на витамин Д имале замор. Кога нивниот број на витамин Д се вратил во нормала, симптомите на замор значително се подобриле.
Нерасположение и депресија
Студиите покажуваат дека постои интересна врска помеѓу недостаток на витамин Д и депресија. Студија објавена во списанието Journal of Issues in Mental Health Nursing заклучува дека групите изложени на ризик од дефицит на витамин Д (стари лица, адолесценти, дебели луѓе и лица со хронични заболувања) се исто исти групи што пријавиле ризик од депресија. Ако се чувствувате лошо и немате објаснување за тоа, проценката на внесот на витамин Д може да биде корисна.
Грчеви во мускулите
Заедно со чувството на слабост во мускулите, веројатно ќе доживеете и грчеви поради недостаток на витамин Д. Иако ова е суптилен знак, грчевите во мускулите можат да бидат еден од знаците.