Температурите се повеќе опаѓаат, а тоа за некои луѓе значи и здравствени проблеми. Освен што се предизвикувач за настинки, атмосферските промени ја влошуваат болката во зглобовите и коските кај дел од населението. Причината зошто тоа се случува се уште не им е сосема јасна на лекарите.
Постои можност температурните промени поврзани со врнежите да генерираат промени во обвивката на сврзното ткиво наречено ‘рбет.
Според мислењето на медицинскиот советник Лин Постон, „кога мускулите и зглобовите се ладат, течноста околу зглобовите и тетивите се згуснува, предизвикувајќи да чувствуваме вкочанетост“.
Друга теорија е дека болката се должи на падот на атмосферскиот притисок што се јавува кога се зголемува влажноста во воздухот.
Во последниве години, неколку студии укажаа дека факторите од надворешното опкружување влијаат на појавата на болки во зглобовите, но истражувачите од Харвард ја отфрлија таа поврзаност, пренесува хрватски „Index“.
Сепак, таа останува тема која го буди интересот на научниците до тој степен што постои посебна наука која се занимава со тоа, наречена медицинска биометеорологија.