Зошто е здраво да се пие една чаша црвено вино дневно?

од Берта Китинска

Листата на придобивки од виното е навистина голема, секако доколку се консумира во мали количини, еве кои бенефиции ќе ги осетите доколку редовно пиете умерена количина.

Ја подобрува меморијата

Едно истражување направено на лица постари од 70 години, покажало дека оние кои пијат по една чаша вино дневно, паметат повеќе од останатите. Исто така, докторите објаснуваат дека тоа спречува згрутчување на крвта и го намалува воспалението на крвните садови.

Помага при согорување калории

Праксата покажува дека луѓето кои пијат вино редовно, имаат помала телесна тежина од оние кои го консумираат ретко.

Го зајакнува имунитетот

Една Британска студија вели дека љубителите на вино го намалуваат ризикот од инфекција со бактеријата Хеликобактер пилори, која може да предизвика гастритис, чир или рак на стомакот.

Заштитник на женските јајници

Една чаша дневно го намалува ризикот од рак на јајници за 50%. Научниците веруваат дека ова се должи на антиоксидансите кои ги има во виното, а кои имаат антиканцерогени својства.

Ги зајакнува коските

Во просек, луѓето кои се редовни консументи на вино, имаат поголема коскена маса од оние кои не го консумираат. Алкохолот го зголемува нивото на естроген, хормон кој го забавува разронувањето на старите коски.

Слични содржини