Во Англија имаше различни гласини за присуството на Сер Алекс Фергусон на тренингот на Манчестер Јунајтед по поразот од Ливерпул. Многумина сугерираат дека тој бил вклучен во разговори на високо ниво за иднината на Оле Гунар Солскјер како менаџер на „црвените ѓаволи“.
За жал за оние кои можеби очекуваа дека Норвежанецот ќе добие отказ, причината за доаѓањето на Фергусон беше многу побенигна.
Наводно, легендарниот Шкотланѓанец имал однапред испланиран аранжман во кој морал да биде присутен како и другите клупски функционери – во врска со новите клупски оддели.
Она што беше потврдено, значи тој не разговарал ниту со Солскјер, ниту со играчите во таа прилика. Ниту, пак, беше вклучен во какви било дискусии за нив.
Извор близок до клубот потврди дека Норвежанецот сигурно ќе го води тимот во сабота на гостувањето кај Тотенхем во Лондон. Што ќе се случи понатаму се уште не е познато.
Без разлика на резултатот против „петлите“, иднината на Солскјер е помалку сигурна. Навивачите на Јунајтед тешко дека некогаш ќе го заборават неговиот неделен дебакл од најголемиот ривал на Ливерпул 0:5 на „Олд Трафорд“.
Сега притисокот е уште поголем. Само брз одговор во смисла на драстичен пресврт на резултатите и играта може да им помогне на Солскјаер и неговите играчи.