Тиквата е неизбежна храна на македонската трпеза во овој период од годината. Освен што е омилен фил за пита, често се користи и како главна состојка за напивки, супи, па дури и за кафе, а многумина ја обожаваат и само печена.
Освен тоа, маслото од тиква и нејзините семки имаат благотворно дејство на организмот. Истражувањата потврдија дека маслото има превентивно дејство врз функцијата на мочниот меур, но и го намалува ризикот од некои видови камења во бубрезите.
Сè на сè, тиквата има многу корисни ефекти врз телото, а ова се само некои од нив:
1. Поволно влијае на слабеењето
Тиквата е многу богата со влакна кои го помагаат варењето. Освен тоа, ве држи сити долго време и има малку калории, што секогаш го олеснува слабеењето.
2. Го подобрува имунитетот
Големото количество на витамин А што го содржи тиквата му помага на телото полесно да се бори против инфекции, вируси и заразни болести.
Маслото од тиква, како што е споменато погоре, помага во борбата против разни бактериски и габични инфекции.
Покрај тоа, една порција тиква содржи 20 отсто од препорачаната дневна количина на витамин Ц, кој помага во борбата против вирусите и настинките.
3. Влијае на убавината на кожата
Бета-каротенот помага во заштитата од сончевите УВ зраци на кожата, кои предизвикуваат брчки. Добро е и за здравјето на очите, како и здравјето и убавината на кожата.
Покрај тоа, витамините А и Ц се, како што велат експертите, еден вид одбрана на клетките од слободните радикали, бидејќи се антиоксиданти.
4. Поволно влијае на расположението
Ова е помалку позната придобивка од тиквата, но експертите велат дека тиквата позитивно влијае на расположението. Содржи аминокиселина која го поттикнува лачењето на серотонин во организмот, хормон кој е одговорен за доброто расположение и чувството на среќа.