Таа е емотивна, грижлива, со копнеж за дом и за семејство. Нејзините емоции се како морските бранови – постојано се менуваат. Жената од знакот Рак – интересна, мистериозна, понекогаш и е тешко прва да каже “Извини”, но маѓепсува со својата пожртвуваност.
Раковите имаат многу силна интуиција и секогаш го следат нивното срце. Тие секогаш прават внимателни избори без оглед дали се работи за љубовни врски, пријатели или животни одлуки. Доколку немаат добро чувство во врска со нешто, никогаш нема да го игнорираат тоа. Благодарение на нивната интуиција, жените родени во овој знак секогаш им даваат одлични совети на нивните пријатели и знаат како да ги насочат на правиот пат.
Тие целосно се посветуваат што и да прават и секогаш вложуваат најмногу труд. Нивната упорност и тврдоглавост ќе ги одведе далеку во животот, на професионално и на приватно поле. Кога Раковите ќе наумат нешто, нема да се откажат додека не го остварат тоа. Нивната посветеност предизвикува восхит и луѓето ги гледаат како луѓе за пример.