Зошто жените стареат побрзо од мажите?

од Stefanija Kuzmanovska

Не е тајна дека жените живеат подолго од мажите. Ова им звучи како добра вест на женките, но постои една работа што не ја очекуваа.

Се покажа дека жените стареат побрзо од мажите. И тоа не е навистина изненадувачки затоа што има многу причини за тоа – од бременост до менопауза, но и многу други животни околности исто така имаат влијание врз тоа.

Жените повеќе страдаат од стрес отколку мажите

Жените се повеќе склони кон ментални нарушувања, особено ако се поврзани со работата, според д-р Џудит Моринг.

Покрај тоа, хормоналната разлика е она што го објаснува сето тоа. Флуктуациите на хормоните се поврзани со депресија. Покрај тоа, сезонското афективно нарушување повеќе ги погодува жените отколку мажите. Исто така, постојаниот стрес неизбежно води до предвремено стареење.

Жените кои родиле побрзо стареат

Студија спроведена на универзитетот Џорџ Мејсон докажа дека жените изгледаат 11 години постари поради бременоста.

Работата е во тоа што жените кои родиле имаат пократки теломери од оние кои никогаш не родиле, а колку пократки се вашите теломери, толку постаро изгледате. Покрај тоа, стресот за време на бременоста не е невообичаен, што исто така го забрзува процесот на стареење.

Кожата на мажите е подебела

Според дерматолозите, машката кожа е подебела 25 отсто од женската. Процентот може да варира од личност до личност, но генерално податоците остануваат исти.

Сепак, иако има помалку брчки на машките лица, оние што постојат се подлабоки од женските.

Нивоата на тестостерон се различни

Естрогенот е одговорен за младешко женско лице, додека тестостеронот е типичен за мажите.

Високото ниво на тестостерон го забавува стареењето. Иако естрогенот служи и како хормон против стареење, неговото производство опаѓа побрзо од производството на тестостеронот. Затоа брчките се појавуваат порано кај жените, пишува Bright Side.

Менопаузата го зема својот данок

Губењето на хормоните за време на менопаузата го забрзува процесот на стареење. Кога жените влегуваат во менопауза, нивните тела повеќе не произведуваат колаген како порано. Ова предизвикува губење на еластичноста на кожата.

Слични содржини