Германецот Александар Зверев победи на турнирот од серијата 500 во Виена. Четвртиот светски играч во финалето го совлада Американецот Френсис Тиафо во два сета со резултат 7:5, 6:4 и потврди дека е во одлична форма пред Мастерсот во Париз.
Зверев за час и 35 минути стигна до 18-иот трофеј во кариерата, односно петти во 2021 година. Тој претходно оваа сезона славеше во Акапулко, Мадрид, Олимписките игри во Токио и Синсинати.
Само норвешкиот тенисер Каспер Руд освои пет пехари во 2021 година.
Интересно е да се напомене дека Зверев има забележано само два неуспеси од 5 јули, кога беше поразен во осминафиналето на Вимблдон од Феликс Оже Алијасим – во полуфиналето на УС Опен од Новак Ѓоковиќ и Тејлор Фриц во четвртфиналето на Индијан Велс.
Во меѓувреме победи на Олимписките игри, Синсинати и Виена.
Германецот во второто коло на Мастерсот во Париз ќе се сретне со Душан Лајовиќ или Мекензи Мекдоналд.