Претседателот на српската Народна партија, Вук Јеремиќ, денеска изјави дека потпишувањето на европскиот предлог за Косово ќе ја врати Србија на европскиот пат за една генерација, бидејќи претседателот на Србија, Александар Вучиќ, „ќе добие апсолутно одврзани раце од Западот“, за неговото недемократско владеење, како што спроведуваше во изминатите 11 години.
„Кој сака да ја доживее европската иднина на Србија, треба да биде против потпишувањето на овој договор со сето свое срце, раце и нозе. Процесите кои се одвиваат во последните десет години ја оддалечуваат Србија од ЕУ, а потпишувањето на овој договор значително би ги забрзало тие процеси“, изјави Јеремиќ за телевизијата Нова С.
„Ако Вучиќ или некој во негово име го потпише ова, тој преку ноќ би станал херој во Брисел, Вашингтон, Берлин, Париз… Ќе добие третман сличен на оној што го доби претседателот на Украина, Володимир Зеленски, во тие престолнини. – додаде Јеремиќ.