🎥Голем пожар на територија на Општина Крива Паланка, градоначалникот бара помош од државата

од Nikola Popovski
28 прегледи

Голем пожар избувна денеска во Крива Паланка, зафаќајќи ја населбата Лозаново.

„Градот се наоѓа под најголема стихија, а домовите на населението се директно загрозени“, изјави градоначалникот на Крива Паланка Сашко Митовски. Тој апелира на смиреност и истовремено бара итна помош од соседните градови и од државата за справување со огнената стихија.

„Ги повикуваме сите граѓани што имаат можност и подготвеност – да се приклучат и помогнат во локализација и гасење на пожарите. Секоја помош е од непроценливо значење – и секој човек значи разлика! Ова е момент за единство, солидарност и хуманост. Да се мобилизираме како заедница – за заштита на нашите домови и природа“, објави градоначалничкот.

Надлежните служби се на терен, но поради големината и интензитетот на пожарот, потребна е дополнителна поддршка за да се заштити населението и нивните имоти.

Слични содржини