Првиот финалист на 48. издание на Копа Америка е Аргентина, бранителот на титулата. „Гаучосите“ во полуфиналниот меч ја победија Канада со 2:0, ја оправдаа улогата на фаворит што ја имаа, па ќе имаат можност да ја одбранат титулата најдобри во големото финале.
Алварез ја доведе Аргентина во водство во 22. минута, а потоа Меси го искористи невниманието на Коренлиус на почетокот на вториот дел и ги постави конечните 2:0. „Гаучосите“ сега гo чекаат ривалот за полуфиналето, односно подобриот од дуелот Колумбија-Уругвај кој ќе се игра следната вечер.
Bienvenido, maestro, lo estábamos esperando 👑 pic.twitter.com/nXRWAWX7Yg
— CONMEBOL Copa América™️ (@CopaAmerica) July 10, 2024
Токму на оваа полуфинална средба Лионел Меси собори два рекорда. Со голот во 51. минута го престигна легендарниот Габриел Батистута по бројот на голови на завршните турнири на Копа Америка. Ова беше 14-ти гол за Меси, додека Батистута остана на 13. Исто така, Меси стана првиот играч во историјата на ова натпреварување кој постигнал барем еден гол на шест турнири.
Capitanes 😎@MichelobUltraAr | #SuperiorPOTM pic.twitter.com/XkAiWeTFyu
— CONMEBOL Copa América™️ (@CopaAmerica) July 10, 2024