Израелската војска во саботата објави дека ќе отвори истрага за неисправност на ракета-пресретнувач што се урна во централен Израел.
„Тајмс оф Израел“ цитираше воено соопштение во кое се вели дека ја истражува можноста дека зад ракетната несреќа стои „техничка неисправност“.
Инцидентот се случи кога ракетниот одбранбен систем „Железна купола“ се обиде да пресретне низа ракети од Појасот Газа насочени кон Тел Авив и околните области во саботата навечер.
Видео кое кружи на социјалните мрежи покажува како ракета слета во централен Израел. Нема извештаи за повредени.
The IDF says it is investigating after footage shows an Iron Dome interceptor missile failing in central Israel this evening. There are no reports of injuries. Tamir missiles fail occasionally. pic.twitter.com/OAjpnwh2Tw
— Emanuel (Mannie) Fabian (@manniefabian) December 2, 2023
Рано во петокот, израелската армија го продолжи нападот врз Газа бидејќи завојуваните страни не успеаја да ја обноват седумдневната хуманитарна пауза.
Најмалку 193 Палестинци се убиени, а 652 се повредени од петокот во израелските воздушни напади, соопшти Министерството за здравство на Газа.
Повеќе од 15.000 Палестинци, главно деца и жени, се убиени во израелските напади од 7 октомври по прекуграничниот упад на Хамас во пограничните области во кој загинаа над 1.200 Израелци.