Со линијата на телефони iPhone 16, Apple воведе големи промени во основните модели, додека верзиите Pro изгледаа речиси идентично со оние од претходните неколку години. Сепак, се чини дека Apple планира значителни промени во дизајнот на iPhone 17 Pro Max, барем ако овие 3D рендери од рускиот YouTube канал Wylsacom се точни.
Според гласините на кои се базира овој дизајн, iPhone 17 Pro Max воопшто нема да наликува на неговите претходници. Има нова хоризонтална тројна камера на задната страна, која потсетува на дизајнот на Pixel 9 и Pixel 9 Pro/XL. Се шушка и дека Pro моделите на iPhone 17 би можеле да имаат заден дел претежно од алуминиум, додека стаклото би останало само на одредени делови, пишува Digital Trends.
Ако ова се покаже дека е вистина, тоа би било многу драстичен редизајн за моделите Pro, кои секако се зрели за промена. Едно нешто што треба да се забележи е дека ова не се официјални слики, што значи дека можеби никогаш нема да го видиме овој дизајн.
Дизајнот прикажан на видеото изгледа како Apple да го копирал Google Pixel 9/Pro/XL. Единствената добра работа во дизајнот е што положбата на камерата ќе направи телефонот да стои поцврсто на рамна површина.
Во секој случај, официјално нема да знаеме како ќе изгледа следната генерација на iPhone телефони до септември 2025 година.