Менаџерот на Манчестер Јунајтед, Ерик тен Хаг не ги задржуваше нервите по ремито 2:2 со Борнмаут. Тој предвреме ја напушти прес-конференцијата по натпреварот, одбивајќи да одговори на прашањето дали „црвените ѓаволи“ ќе го забележат својот најнизок финиш од почетокот на Премиер лигата. На почетокот, тој дури демонстрираше оптимизам дека неговиот тим има уште шанси за топ 4, колку и да се илузорни.
„Не, не, не, не би рекол дека е готово. Ќе направиме што можеме, но мораме да бидеме реални. Кога ќе го имам целиот мој тим, можам да верувам. Но, во моментов со луѓето што ги имам, тешко е – гледате каква е дефанзивната ситуација, тоа кажува сè. Знаеме што се очекува од нас. Хари Мегваер се мачеше во првото полувреме, но не можев да го заменам бидејќи немаме повеќе здрави дефанзивци. Во првото полувреме Борнмаут беше подобар, но доброто е што покажавме дух и двапати се враќавме во игра. Во фудбалот сум долго време и можам да кажам дека бевме мотивирани, но недоволно добро организирани“, изјави Тен Хаг.
🚨 Erik ten Hag walks out of press conference when asked about Man United's worst Premier League finish in history.@BeanymanSports 🎥pic.twitter.com/o7dvJ5pufk
— Fabrizio Romano (@FabrizioRomano) April 13, 2024
Потоа дојде прашањето за евентуалниот најлош пласман на тимот, на што Холанѓанецот кратко одговори: „Не сакам да го коментирам тоа бидејќи не е важно во моментов“. Тој веднаш стана и ја напушти салата за прес-конференции.