Познатиот бразилски фудбалер Роналдињо, еден од најдобрите играчи на 21 век, реши да лансира своја криптовалута која ја нарече „Ѕвезда10“ ($STAR10) по бројот што го носеше на грбот додека играше фудбал.
Како што објави поранешниот ас на Барселона на социјалните мрежи, овој потфат не е само еден во низата обиди да најде нешто да прави откако се повлече од фудбалот, туку е нешто што може да му го промени животот.
„Ова е мојот единствен официјален знак. Време е да ја прославиме страста и заедно да создадеме наследство кое никогаш нема да избледи. „Ѕвезда10“ не е само токен, тоа е сосема ново поглавје во мојот живот“, рече Роналдињо.
My new one and ONLY OFFICIAL token is HERE! It’s time to celebrate greatness, passion, and that legendary spirit that NEVER fades 😎Legends are not born… THEY ARE FORGED. And YOU can choose to be a part of it. Get your $STAR10 NOW. Let’s make history together!… pic.twitter.com/91KbaXVmgS
— Ronaldinho (@10Ronaldinho) March 2, 2025
Причината поради која Роналдињо нагласи дека ова е неговата официјална криптовалута е затоа што пред неколку години се појави токен наречен „18K“ кој беше вклучен во пирамидална шема која на инвеститорите им ветуваше дневна камата од два отсто, но Бразилецот категорично тврдеше дека тој никогаш не стоел зад сето тоа.
Токенот „Ѕвезда10“ се појави на берзите за криптовалути во понеделник, 3 март 2025 година, а неговата почетна цена беше околу 0,2 долари по парче.