Американскиот Стејт департмент продолжува да ги ажурира своите препораки за патувања, обезбедувајќи им на граѓаните на САД важни информации за безбедноста на различни дестинации низ целиот свет. Овие совети им помагаат на патниците подобро да ги планираат своите патувања, да ги избегнуваат опасностите и да избираат безбедни дестинации. Во пресрет на 2026 година, Стејт департментот објави листи на земји во кои е побезбедно да се патува, како и оние што треба да се избегнуваат поради зголемени безбедносни ризици, како што се криминалот и тероризмот, пишува „Newsweek“.
Препораките и предупредувањата се издаваат врз основа на различни фактори, вклучувајќи криминал, тероризам, граѓански немири, пристап до здравствени услуги, природни катастрофи и други тековни закани. Во зависност од нивото на ризик, земјите се класифицирани во четири категории, а на патниците им се советува како да се однесуваат во секој од случаите.
Категорија 1: Безбедно за патување
Земјите класифицирани во првата категорија се сметаат за безбедни за патување, со препорака за спроведување на вообичаените мерки на претпазливост. Во оваа категорија е внесена и Македонија. Според Стејт департментот, овие дестинации не претставуваат сериозен безбедносен ризик, а патниците можат слободно да се движат. Дестинации кои спаѓаат во оваа категорија за 2026 година ги вклучуваат следниве земји:
Аруба
Австралија
Австрија
Бермуди
Бутан
Бугарија
Канада
Кајмански Острови
Курасао
Чешка Република
Естонија
Фолкландски Острови
Фарски Острови
Финска
Француска Полинезија
Гибралтар
Грција
Унгарија
Исланд
Ирска
Јапонија
Казахстан
Латвија
Луксембург
Монако
Монголија
Нов Зеланд
Северна Македонија
Норвешка
Полска
Португалија
Катар
Романија
Свети Винсент и Гренадини
Словачка
Словенија
Јужна Кореја
Суринам
Швајцарија
Тајван
Туркменистан
Узбекистан
Вануату
Виетнам
Замбија
Некои земји од првата категорија се наведени и како земји со „повисок безбедносен ризик“. Овие земји не се вклучени во горенаведената листа, но ги вклучуваат Аргентина, Хрватска, Грузија, Парагвај, Сенегал…
Фото: US Department
Категорија 2: Зголемена претпазливост
За земјите од втора категорија, на Американците им се препорачува да бидат повнимателни. Ризиците во овие земји може да вклучуваат криминални активности, киднапирање, тероризам или проблеми со здравствените услуги. Некои од дестинациите што спаѓаат во оваа категорија се:
Албанија
Ангола
Босна и Херцеговина
Боцвана
Чиле
Кина
Костарика
Куба
Доминиканска Република
Екваторска Гвинеја
Еритреја
Франција
Германија
Гренланд
Гвинеја
Италија
Малави
Мароко
Намибија
Холандија
Република Конго
Сан Марино
Србија
Сиера Леоне
Соломонови Острови
Република Јужна Африка
Шпанија
Шри Ланка
Шведска
Источен Тимор
Бахами
Гамбија
Обединети Арапски Емирати
Велика Британија
Уругвај
Зимбабве
Некои земји со предупредување од ниво 2 се исто така наведени како земји со „повисок безбедносен ризик“. Овие земји не се вклучени во горенаведената листа, но ги вклучуваат Алжир, Боливија, Бразил, Камерун, Еквадор, Перу, Саудиска Арабија, Тунис и други.
Категорија 3: Размислете повторно пред да отпатувате
За земјите од третата категорија, на Американците им се препорачува да размислат повторно за патувањето, бидејќи може да има сериозни ризици. Ова ниво на предупредување ги вклучува земјите каде што постои значителен ризик од криминал, киднапирање или тероризам, како и ограничен пристап до здравствени услуги. Дестинациите што спаѓаат во оваа категорија, ги вклучуваат:
Гвинеја-Бисао
Гвајана
Непал
Никарагва
Танзанија
Тринидад и Тобаго
Уганда
Некои земји од оваа категорија се наведени и како земји со „повисок безбедносен ризик“. Овие земји не се вклучени во горенаведената листа, но ги вклучуваат Чад, Колумбија, Етиопија, Нигерија, Пакистан и други.
Категорија 4: Најсериозно предупредување
За сите земји во оваа последна категорија е издадено највисокото предупредување, при што на Американците им се препорачува воопшто да не патуваат до тие локации, бидејќи ризиците за нивната лична безбедност се особено високи. Земјите каде што има тековен конфликт покрај другите ризици често добиваат предупредување адекватна за категорија 4.
Дестинациите со вакво предупредување за наредната 2026 година се:
Авганистан
Белорусија
Бурма
Централноафриканска Република
Иран
Ирак
Либија
Мала
Нигер
Русија
Сомалија
Јужен Судан
Судан
Сирија
Украина
Венецуела