Актерката Ања Тејлор-Џој (28) е најубавата славна личност на светот, според пресметките на британскиот пластичен хирург Џулијан Де Силва, кој раководи со Центарот за напредна козметичка и пластична хирургија на лицето во Лондон.
Тој дошол до овој заклучок користејќи компјутерско мапирање на лицето, многу популарна метода во пластичната хирургија. Овој метод се заснова на „златниот сооднос“, познат и како „божествен сооднос“.
„Се покажа дека има најдобри отчитувања за положбата на очите со резултат од 98,9%, што е само 1,1% од совршената форма“, објасни Де Силва за Дејли Меил.
„Ања имаше најдобар резултат и за веѓите. Беше блиску до врвот во речиси секоја категорија, освен усните“, додаде тој.
Второто место на листата на најубави жени во светот според „златниот сооднос“ го зазеде Зендаја (94,37%), а Бела Хадид (94,35%) го зазеде третото место. Четврта е Маргот Роби (93,43%), а петта е јужнокорејската актерка Сонг Хје-кјо (92,67%). Потоа следат Бијонсе, Тејлор Свифт, Џанг Зији, Алија Бат и Назанин Бониади.
Де Силва со години го користи овој метод на познати личности.
„Овие нови техники на пресметковно мапирање ни овозможуваат да решиме некои од мистериите за тоа што ги прави луѓето физички убави. Технологијата е корисна и за планирање на операција на пациентот“, објасни тој претходно.