Жереми Матју (41), поранешен дефанзивец на Барселона и поранешен француски репрезентативец, реши да направи целосен пресврт по блескавата фудбалска кариера. Французинот, кој со каталонскиот гигант ја освои Лигата на шампионите и две титули во Ла Лига, моментално работи во Интерспорт, познат ланец на продавници за спортска опрема.
Фотографијата која неодамна стана вирална на социјалните мрежи го покажува Матју на работа, што предизвика сомнеж за нејзината автентичност. Сепак, француските медиуми, меѓу кои и угледниот L’Équipe, потврдија дека се работи за вистинска приказна. Матју е вработен во филијала лоцирана помеѓу Екс-ан-Прованс и Марсеј, каде што работи како еден од менаџерите на фудбалскиот оддел. Откако веста протече во јавноста, продавницата наводно била преплавена со повици од љубопитни клиенти и обожаватели.
Former Barcelona defender Jérémy Mathieu is now working as a sales assistant in a sports store 🙄
The winner of 9 trophies with Barça, including the Champions League, has taken a job at an Intersport store in Marseille as a sales consultant.
From 2014 to 2017, the defender… pic.twitter.com/yyVkNodxEi
— Football Factly (@FootballFactly) April 7, 2025
Матју ја заврши својата професионална кариера во 2020 година. За време на неговите години во Барселона, тој освои бројни трофеи, меѓу кои Лигата на шампионите и шпанското првенство. Играше и за Сошо, Тулуз, Валенсија и Спортинг Лисабон.
Former Barcelona player Jérémy Mathieu currently works as an employee of the Intersport store in France. pic.twitter.com/wcJGFln1cJ
— Barça Universal (@BarcaUniversal) April 6, 2025
Во Барселона, според пишувањата на медиумите, тој заработувал меѓу 115 и 120 илјади евра неделно. Не е познато колкава е неговата моментална плата во Интерспорт, но покрај новата работа, Матју посетува и тренерска школа, што очигледно значи дека планира да остане вклучен во фудбалот и во иднина.