Сè уште е актуелна промо-турнејата на филмот „Супстанција“, жестока приказна за неприфаќањето на стареењето, а нејзините главни ѕвезди, актерките Деми Мур и Маргарет Квали, ја претставија деновиве на новото издание на филмскиот фестивал SCAD Savannah.
Како главна актерка и продуцент на филмот, 61-годишната Деми Мур по тој повод се појави во две впечатливи изданија со авангардни детали, специфични за брендот Schiaparelli, кој живее втора младост под креативното раководство на дизајнерот Даниел Роузбери.
Пред фестивалската публика оваа недела Деми за прв пат се претстави во комбинација од актуелната готова колекција на брендот, создадена од асиметрична јакна и волуменозно здолниште со сатенски сјај.
Во своето второ појавување на фестивалот, таа се појави во црна комбинација од конфекциската колекција на Schiaparelli за минатогодишната сезона есен/зима.
Нејзиниот избор на обувки го сочинуваа шилести мокасини од црна лакирана кожа, украсени со препознатлив детаљи, а за нив се погрижи канадскиот стилист Бред Горески, како и за бројните изданија на 61-годишната Мур досега.