Еден од најдобрите тенисери на сите времиња, Новак Ѓоковиќ, им донесе многу радост на луѓето во Србија, но има и такви на кои таквата спортска величина им пречи, а доказ за тоа е графит од Белград.
Имено, во Белград се појави графит со навреда на Новак Ѓоковиќ. Веројатно никого нема да повреди натписот, иако обвинувањето на Ѓоковиќ за допинг, меѓу другото, ја одбележа неговата кариера.
„Новак допинг Ѓоковиќ“, пишува на графитот на кој авторот заборавил да ја додаде буквата „и“ за да го комплетира презимето на славниот тенисер.
Авторот очигледно немал друг начин да го навреди Ѓоковиќ, па додал „допинг“, што всушност никогаш не било потврдено, иако љубителите на тенисот секогаш со посебно внимание ги следеле суплементите што ги користи за време на тениските натпревари.
Причината за ваквиот графит е непозната, но медиумите шпекулираат дека тоа би можело да биде поради неговата поддршка на студентските протести неодамна, за кои тој јавно зборуваше.
Иако им донесе толкава радост на навивачите во Србија, која никој никогаш нема да ја повтори, има и такви кои му замеруваат за некои други работи. На социјалните мрежи се појави фотографија од графитот.
Инаку, минатата недела Ѓоковиќ за малку ќе дојдеше до 100. АТП титула во кариерата. Но, во финалето на Мастерс 1000 турнирот во Мајами, беше сопрен од Јакуб Меншик, тинејџер од Чешка.